Um er að ræða hálfs dags námskeið fyrir fjárfesta, stjórnarmenn, stjórnendur og lögmenn.

Fjallað verður um hlutverk eigenda í stjórnarháttum og hlutverk stofnanafjárfesta sérstaklega. Hluthafastefnur verða rýndar og sérstök áhersla lögð á virkni stofnanafjárfesta á hluthafafundum og í samskiptum við stjórnir og stjórnendur félaga. Þá verður fjallað um vandaða ákvarðanatöku – þ.m.t. forendur, skyldur stjórna og vanda þeirra við ákvarðanatöku.

Um er að ræða heils dags námskeið með skipulögðum umræðustundum þátttakenda og er námskeiðið ætlað fjárfestum, stjórnarmönnum, stjórnendum og lögmönnum.

Farið verður yfir hvað þarf til að hver og einn stjórnarmaður og stjórn sem heild geti axlað þá ábyrgð sem þeim er falin  samhliða því að vera virðisaukandi í störfum sínum. Hlutverk og umboð stjórna verða rýnd  sem og verkefni stjórna, s.s. starfsreglur, starfsáætlun stjórnar, samskipti við hluthafa, stjórnarháttayfirlýsingar, starfskjarastefnur, siðareglur, undirnefndir, valnefndir, hæfisreglur og ritara stjórnar. Þá verða hlutverk og umboð forstjóra rýnd ásamt ráðningarsamningi, starfslýsingu, verkaskiptingu gagnvart stjórn og upplýsingagjöf til stjórnar. Prókúra og umboðsreglur verða rýndar og sérstök áhersla verður að lokum lögð á vandaða ákvarðanatöku stjórnar.

Um er að ræða hálfs dags námskeið fyrir fjárfesta, stjórnarmenn, stjórnendur og lögmenn.

Á námskeiðinu verða helstu álitamál hrundóma rýnd og hugtakið „umboðssvik“ rýnt ásamt hugtökum eins og „hlutverk“, „umboð“,  „starfshættir“, “stjórnarhættir“, „veruleg fjártjónshætta“, „trúnaðarskylda“ og „business judgement rule“. Út frá málsatvikum og dómum verða rýndir stjórnarhættir og vönduð ákvarðanataka sem kunna að gera stjórnendum kleift að axla ábyrgð og fría þá refsi- og skaðabótaábyrgð.

Boðið er upp á fyrirlestra eða vinnustofur allt eftir þörfum viðkomandi fyrirtækis eða stofnunar.

Fjallað er um helstu þætti breytingarstjórnunar, hvað ber að varast og hvernig er hægt að undirbúa árangursríka innleiðingu á breytingum.

Boðið er upp á hálfs dags og heils dags vinnustofu fyrir stjórnendur sem hafa hug á því að undirbúa árangursríka innleiðingu á stefnu.

Unnið er með ýmis verkfæri sem stjórnendur læra að nota til að vinna að árangursríkri innleiðingu.

Boðið er upp á hálfs dags eða heils dags námskeið þar sem fjallað er um hin ýmsu hlutverk stjórnandans og verkfærakistu hans.

Hvort sem stjórnandi starfar innan einka eða opinbera geirans þarf hann að  nálgast starf sitt sem leiðtogi, fjármálastjóri, mannauðsstjóri, gæðastjóri, rekstrarstjóri osfrv. Strategía býður upp á sérsniðna stjórnendaþjálfun fyrir stjórnendahópa sem miðar að því að efla og styrkja stjórnendur í þeim mismunandi hlutverkum sem þeir þurfa að glíma við. Þjálfunin er bæði í formi fyrirlestra og verkefnavinnu.

Hagaðilagreining  - Greining tækifæra til umbóta út frá sjónarhóli hagaðila - Teiknuð upp tímalína og  markmið skilgreind.

Heilsdagsvinnustofa með stjórnendum stofnunar þar sem ráðgjafi Strategíu leiðir hópinn í gegnum nokkra lykilþætti  stafrænnar umbreytingu. Vinnustofan felur í sér stuttan fyrirlestur um helstu tækifæri stafrænnar umbreytingar og í  framhaldi er unnið með einstaka lykilþætti.

Stafræn innleiðing – hvað felst í henni? Hvernig er hægt að nýta stafræna tækni til að betrumbæta starfsemina? Skilgreind stafræn vegferð stofnunarinnar?

Heilsdagsvinnustofa með stjórnendum stofnunarinnar þar sem ráðgjafi Strategíu leiðir hópinn í gegnum nokkra lykilþætti  stafrænnar innleiðingar. Vinnustofan felur í sér stuttan fyrirlestur um hvað felst í stafrænni innleiðingu og hvernig  stofnanir geta hafið sína vegferð.

Boðið er upp á fyrirlestra eða vinnustofur allt eftir þörfum viðkomandi fyrirtækis eða stofnunar.

Fjallað er um samspil fjármálastjóra og annarra stjórnenda.  Hvernig stuðningur á og getur fjármálastjóri/fjármáladeild veitt?  Farið er yfir það hvernig stjórnendur ná yfirsýn yfir svið/deildir?

Boðið er upp á leiðsögn í hvernig megi skipuleggja og nýta fundi betur til gagns og efla fundarmenningu fyrirtækja og stofnana. Farið er yfir grunnþætti sem hafa þarf í huga við  markvissa og árangursríka fundarstjórnun og einnig hvernig megi skipuleggja mismunandi tegundir funda eftir markmiði og eðli þeirra. Tímalengd: 2 tímar, eða sniðið að þörfum viðskiptavinar.